Дали би му дозволиле на детето да си игра во песок, да ги става во уста играчките со кои се забавувало друго дете претходно и дали би му дозволиле да јаде храна што паднала на подот? Најверојатно, вашиот одговор гласи не. 

Денес, кога низ светот се продаваат разни антибактериски сапуни, лосиони, гелови и влажни марамчиња, можеме да кажеме дека сме свесни за бактериите повеќе од кога било. Меѓутоа, стручњаците се почесто истакнуваат дека одредено ниво на изложување на детето на бактерии не е штетно, всушност, дури е и корисно. 

Сепак, постои начин да ја ограничите изложеноста на децата на микроорганизми, а во исто време да им овозможите да го развијат имунолошкиот систем на оптимален начин. Научете ги децата правилно да ги мијат рацете. Не ви се потребни антибактериски сапуни за да ги убиете сите микроорганизми што ќе ви се најдат на рацете - водата, обичниот сапун и препорачаната техника на миење на рацете ќе послужат сосема добро. Научете ги децата во текот на миењето секогаш да користат топла вода, добро да ги насапунат рацете и темелно да ги исплакнат. Тоа значи дека ќе мора да ги измијат деловите од кожата што се наоѓаат меѓу прстите. Миењето на рацете завршува со темелно плакнење, исто така, со топла вода.